शेतकरी बांधवांचा चा नवा डिजिटल साथी बनणार, ‘महाविस्तार’ ॲप | Mahavistar AI App Launched

Mahavistar AI App Launched: आजच्या युगात शेतीत क्रांती घडवण्यासाठी तंत्रज्ञानाचा वापर अत्यंत महत्त्वाचा ठरत आहे. याच दिशेने महाराष्ट्र सरकारने एक महत्त्वाचं पाऊल उचललं आहे, ते म्हणजे ‘महाविस्तार’ ॲप (MahaVISTAAR AI App). कृषी विभागाने सुरू केलेलं हे ॲप, शेतकऱ्यांना अधिक सक्षम बनवण्यासाठी आणि शेतीत आधुनिक तंत्रज्ञान पोहोचवण्यासाठी एक प्रभावी माध्यम ठरत आहे.
‘महाविस्तार’ हे कृत्रिम बुद्धिमत्तेवर (AI) आधारित ॲप असून, ते शेतकऱ्यांना आवश्यक असलेली माहिती मराठी भाषेत उपलब्ध करून देतं. पीक लागवडीपासून ते कीड व्यवस्थापनापर्यंत, खत व्यवस्थापनापासून ते विविध लागवड पद्धतींपर्यंत, शेतीच्या प्रत्येक टप्प्यावरील सविस्तर माहिती या ॲपमध्ये व्हिडिओच्या स्वरूपातही समाविष्ट आहे.

Mahavistar AI App Launched

महाविस्तार ॲपची प्रमुख वैशिष्ट्ये:

•  मराठी भाषेतील चॅटबॉट: हे ॲप शेतकऱ्यांना त्यांच्या मातृभाषेत म्हणजेच मराठीत थेट प्रश्न विचारण्याची सोय देतं. हा चॅटबॉट विचारलेल्या प्रश्नांची अचूक आणि त्वरित उत्तरं देतो, ज्यामुळे ग्रामीण भागातील शेतकऱ्यांना तांत्रिक माहिती सहज उपलब्ध होते.
• व्हिडिओद्वारे माहिती: केवळ लिखित स्वरूपातच नव्हे, तर प्रत्येक महत्त्वाच्या विषयावर शैक्षणिक व्हिडिओ देखील या ॲपमध्ये उपलब्ध आहेत. हे व्हिडिओ शेतीच्या विविध प्रक्रिया सोप्या पद्धतीने समजावून सांगतात, ज्यामुळे शेतकऱ्यांना कृतीशील माहिती सहज मिळते.
• सखोल शेती मार्गदर्शन: पिकाच्या प्रत्येक टप्प्यावर कोणती पावले उचलावीत, कोणती औषधे वापरावीत आणि कोणती काळजी घ्यावी, याबद्दलचे सखोल मार्गदर्शन ॲपमध्ये दिलं आहे.
• सरकारी योजनांची माहिती: केंद्र आणि राज्य सरकारच्या शेतीविषयक विविध योजनांची माहितीही या ॲपमध्ये उपलब्ध आहे, ज्यामुळे शेतकरी त्यांच्यासाठी असलेल्या योजनांचा लाभ घेऊ शकतात.

‘महाविस्तार’ ॲपचे फायदे:

• कीड आणि रोग नियंत्रण: पिकांवर येणाऱ्या किडी आणि रोगांबद्दल वेळेवर माहिती मिळाल्याने होणारे मोठे नुकसान टाळता येते. हे ॲप त्वरित उपाययोजना सुचवतं.
• पीक लागवडीचं नियोजन: कोणत्या हंगामात कोणतं पीक घ्यावं आणि त्यासाठी काय तयारी करावी, याची संपूर्ण माहिती ॲपमध्ये मिळते.
• यशस्वी प्रयोगातून प्रेरणा: यशस्वी शेतकऱ्यांचे अनुभव आणि आधुनिक तंत्रज्ञानाचा वापर करून त्यांनी मिळवलेलं उत्पादन, हे सर्व व्हिडिओ स्वरूपात ॲपमध्ये उपलब्ध आहे. यातून इतर शेतकरी प्रेरणा घेऊन नवे प्रयोग करू शकतात.
• बाजारपेठ आणि आर्थिक माहिती: बाजारातील पिकांचे दर, विक्रीसाठी योग्य वेळ आणि विविध आर्थिक मदत योजनांची माहिती शेतकऱ्यांपर्यंत पोहोचते.

डिजिटल क्रांती आणि ग्रामीण सक्षमीकरण:

‘महाविस्तार’ (MahaVISTAAR AI App) हे केवळ माहिती देणारं साधन नाही, तर ग्रामीण महाराष्ट्रात डिजिटल क्रांती घडवण्याचं एक महत्त्वाचं पाऊल आहे. हे ॲप शेतकऱ्यांमध्ये तांत्रिक आत्मविश्वास निर्माण करतं आणि पारंपरिक शेतीला आधुनिक, माहितीपूर्ण आणि विज्ञानावर आधारित शेतीत बदलण्याचा एक महत्त्वाचा प्रयत्न आहे.
‘महाविस्तार’ (MahaVISTAAR AI App) ॲप Google Play Store वर उपलब्ध आहे. कोणताही शेतकरी आपल्या अँड्रॉइड मोबाईलवर ते सहजपणे डाउनलोड करू शकतो. ॲप इन्स्टॉल केल्यानंतर, मराठी भाषेत सोप्या मार्गदर्शक सूचना मिळतात, ज्यामुळे ते वापरणं अत्यंत सोपं होतं.
तुम्ही हे ॲप Google Play Store वर “MahaVISTAAR-AI” असे शोधून डाउनलोड करू शकता.
चला तर मग, ह्या डिजिटल संधी चा पूर्ण फायदा घेऊया. म्हणूनच, हा लेख जास्तीत जास्त शेअर करा.